ဂျပန်နိုင်ငံ ခရီးစဉ် ဓလေ့ရိုးရာနှင့် ခေတ်မီဆန်းသစ်မှု
ဂျပန်နိုင်ငံသည် ရှေးဟောင်းရိုးရာ ယဉ်ကျေးမှုများနှင့် ခေတ်မီဆန်းသစ်မှုများ ပေါင်းစပ်နေသော နိုင်ငံတစ်နိုင်ငံ ဖြစ်ပါတယ်။ ခရီးသွားများအတွက် စိတ်ဝင်စားဖွယ်ရာ နေရာများစွာကို အောက်တွင် ဖော်ပြလိုက်ပါတယ်။
တိုကျိုမြို့ လည်ပတ်စရာများ
ဂျပန်နိုင်ငံ၏ မြို့တော် တိုကျို သည် စည်ကားလှုပ်ရှားပြီး ဆန်းသစ်သောမြို့ကြီး တစ်မြို့ ဖြစ်ပါတယ်။
၁။ အာဆာကူဆာ ဘုရားကျောင်း (Senso-ji Temple) နှင့် နာကာမီဆဲ လမ်း (Nakamise Street)– တိုကျို၏ ရှေးအကျဆုံး ဘုရားကျောင်းဖြစ်သော ဆန်ဆိုဂျီဘုရားကျောင်းသို့ သွားရောက်ဖူးမြော်နိုင်ပါတယ်။ ဘုရားကျောင်းသို့သွားရာ လမ်းတစ်လျှောက်ရှိ နာကာမီဆဲလမ်းတွင် ရိုးရာဂျပန်ပစ္စည်းများ၊ အမှတ်တရပစ္စည်းများနှင့် ဒေသထွက်မုန့်များကို ဝယ်ယူနိုင်ပါတယ်။
၂။ ရှိဘူယာ စကိုင်း (Shibuya Sky Observatory) နှင့် အပြင်ဘက်လှေကား (Outdoor Escalator)– ရှိဘူယာ၏ အမြင့်ဆုံးနေရာတစ်ခုဖြစ်သော ရှိဘူယာ စကိုင်းမှ တိုကျိုမြို့၏ အပေါ်စီးမြင်ကွင်းကျယ်ကို ကြည့်ရှုခံစားနိုင်ပါတယ်။ ထို့ပြင် ဂျပန်ဘုရင်မင်းမြတ်နှင့် မိသားစုတို့ နေထိုင်ရာ အင်ပါယာ နန်းတော် (Imperial Palace) ၏ ပတ်ဝန်းကျင်ကိုလည်း လေ့လာနိုင်ပါတယ်။
၃။ ဖျော်ဖြေရေးနှင့် ဈေးဝယ်ခြင်း– ကမ္ဘာကျော် ဖျော်ဖြေရေးဥယျာဉ်ဖြစ်သည့် တိုကျို ဒီစနေးလန်း (Tokyo Disneyland) သို့မဟုတ် ဒီဂျစ်တယ်အနုပညာပြခန်းဖြစ်သော TeamLab တို့တွင် ပျော်ရွှင်စွာ အပန်းဖြေနိုင်ပါတယ်။ နောက်ဆုံးပေါ် ဒီဇိုင်းပစ္စည်းများသာ ရောင်းချသော နာမည်ကျော် ဈေးဝယ်လမ်းဖြစ်သည့် ဂင်ဇာလမ်း (Ginza Street) တွင်လည်း ဈေးဝယ်ထွက်နိုင်ပါတယ်။
ဖူဂျီတောင်နှင့် ပတ်ဝန်းကျင် လည်ပတ်စရာများ
ဂျပန်နိုင်ငံ၏ အထင်ကရ သင်္ကေတဖြစ်သော ဖူဂျီတောင် (Mt. Fuji) နှင့် ၎င်းပတ်ဝန်းကျင်ဒေသသည် သဘာဝအလှတရားများဖြင့် ပြည့်နှက်နေပါတယ်။
၁။ အိုးဝါကူဒါနီ (Owakudani – the Great Boiling Valley)– ဟွန်ရှူးကျွန်းပေါ်ရှိ မီးတောင်ဟောင်းတစ်နေရာဖြစ်ပြီး မြေကြီးမှ ပွက်ပွက်ဆူနေသော ရေပူစမ်းများနှင့် မီးတောင်ငွေ့များကို မြင်တွေ့နိုင်ပါတယ်။
၂။ အာရှီကန် (Ashi Lake)– လှပသော အာရှီကန်အတွင်း ကရုစ် (Cruise) စီးပြီး ဖူဂျီတောင်၏ အဝေးမှ လှပသော မြင်ကွင်းကို ကြည့်ရှုခံစားနိုင်ပါတယ်။
၃။ အိုးရှိနို ဟက်ကိုင်း (Oshino Hakkai)– ဖူဂျီတောင်မှ စီးဆင်းလာသော ရေကြည်များ စုဝေးရာ ရှေးဟောင်းရွာလေးဖြစ်ပြီး သဘာဝအတိုင်းလှပသော ရေကန်ငယ်များကို တွေ့မြင်နိုင်ပါတယ်။
၄။ ချူရေးတို ပဂိုးဒါး (Chureito Pagoda)– ဤပဂိုးဒါးသည် ဖူဂျီတောင်ကို နောက်ခံထား၍ လှပသော မြင်ကွင်းကို ဓာတ်ပုံရိုက်ကူးနိုင်သည့် နာမည်ကျော်နေရာ တစ်ခုဖြစ်ပါတယ်။
ကမာကူရာရွာ လည်ပတ်စရာများ
တိုကျိုမြို့အနီးတွင် တည်ရှိသော ကမာကူရာရွာ သည် သမိုင်းဝင်အမွေအနှစ်များနှင့် ပြည့်စုံသော ဒေသတစ်ခု ဖြစ်ပါတယ်။
၁။ ကမာကူရာ ဘုရားကြီး (Great Buddha of Kamakura)– ယူနက်စကို (UNESCO) ကမ္ဘာ့အမွေအနှစ်နေရာတစ်ခုဖြစ်ပြီး နှစ်ပေါင်းရာချီကြာမြင့်ပြီဖြစ်သော ကြီးမားသည့် ကြေးဘုရားကြီးကို ဖူးမြော်နိုင်ပါတယ်။ ဆုတောင်းပြည့်ဘုရားဟုလည်း ယုံကြည်ကြပါတယ်။
အိုဆာကာမြို့ လည်ပတ်စရာများ
အိုဆာကာမြို့ သည် ခေတ်မီမြို့ပြနှင့် သမိုင်းဝင်အဆောက်အအုံများ ပေါင်းစပ်နေသော ဂျပန်၏ ဒုတိယအကြီးဆုံးမြို့ ဖြစ်ပါတယ်။
၁။ အိုဆာကာ ရဲတိုက် (Osaka Castle)– နာမည်ကျော် အိုဆာကာရဲတိုက်သို့ သွားရောက်လည်ပတ်ကာ ဂျပန်၏ ရှေးဟောင်းဗိသုကာလက်ရာများကို လေ့လာပြီး အမှတ်တရ ဓာတ်ပုံများ ရိုက်ကူးနိုင်ပါတယ်။
ကျိုတိုမြို့ လည်ပတ်စရာများ
ဂျပန်၏ မြို့တော်ဟောင်းဖြစ်သော ကျိုတို သည် ရိုးရာဂျပန်ယဉ်ကျေးမှုနှင့် ဘာသာရေးအငွေ့အသက်များကို အပြည့်အဝ ခံစားနိုင်မည့် မြို့တစ်မြို့ ဖြစ်ပါတယ်။
၁။ ရှင်ကန်ဆန် ကျည်ဆန်ရထား (Shinkansen Bullet Train)– ဂျပန်၏ နာမည်ကျော် မြန်နှုန်းမြင့်ရထားဖြစ်သော ရှင်ကန်ဆန် ကို စီးနင်းခြင်းဖြင့် ထူးခြားသော ခရီးသွားအတွေ့အကြုံကို ရရှိနိုင်ပါတယ်။
၂။ ကင်ကာကုဂျီ ဘုရားကျောင်း (Kinkaku-ji Temple)– “ရွှေကျောင်း” ဟု အမည်တွင်သော ကင်ကာကုဂျီ ဘုရားကျောင်း သည် ရွှေရောင်တလက်လက်ဖြင့် လှပပြီး ဂျပန်ဥယျာဉ် ဗိသုကာလက်ရာများကို အထင်အရှား တွေ့မြင်နိုင်ပါတယ်။
၃။ ကီယိုမိဇုဒဲရာ ဘုရားကျောင်း (Kiyomizu-dera Temple)– ယူနက်စကို (UNESCO) စာရင်းဝင် ဆုတောင်းပြည့်ဘုရားကျောင်းဖြစ်သော ကီယိုမိဇုဒဲရာသည် လှပသော သစ်သားပလက်ဖောင်းမှ ကျိုတိုမြို့၏ ရှုခင်းကို ကြည့်ရှုနိုင်ပါတယ်။
၄။ ဖူရှိမီ အိနာရီ ဘုရားကျောင်း (Fushimi Inari-taisha Shrine)– တိုင်နီရောင် တံခါးပေါက်များစွာဖြင့် ထင်ရှားသော ဖူရှိမီ အိနာရီ ဘုရားကျောင်း သည် ဓာတ်ပုံရိုက်ရန် အလွန်လှပသော နေရာတစ်ခု ဖြစ်ပါတယ်။
၅။ ရိုးရာကီမိုနိုဝတ်စုံ– ရိုးရာဂျပန်ဝတ်စုံဖြစ်သော ကီမိုနို (Kimono) ကို ငှားရမ်းဝတ်ဆင်ကာ ဘုရားကျောင်းများနှင့် ရှေးဟောင်းနေရာများတွင် အမှတ်တရ ဓာတ်ပုံများ ရိုက်ကူးနိုင်ပါတယ်။
၆။ ရှင်ဆိုင်းဘာရှိ ဧရိယာ (Shinsaibashi Area)– အိုဆာကာမြို့ရှိ ရှင်ဆိုင်းဘာရှိ ဧရိယာသည် နောက်ဆုံးပေါ်ဖက်ရှင်နှင့် အသုံးအဆောင်ပစ္စည်းများကို ဝယ်ယူနိုင်သည့် လူကြိုက်များသော ဈေးဝယ်နေရာတစ်ခု ဖြစ်ပါတယ်။
